Galego Donalbai*PT

Data de nacemento: 25/06/2025

Sexo: Macho

Cor: Negro Fume con Branco

EMS: NFO ns 09 

Antes da chegada dos romanos, a rexión de Galicia estaba habitada por diferentes pobos celtas. Estas linguas prerromanas mesturáronse co latín vulgar, dando orixe ó galego.

Desde a Idade Media, o galego foi a lingua da lírica trovadoresca na península ibérica. Poetas medievais como Martín Códax escribiron en galego, creando obras que son consideradas piares da literatura europea.

Ó final da etapa medieval (s. XIV-XV), a máis gloriosa das letras galegas, o idioma e a literatura galega entran nun período de decadencia debido ó asentamento no noso país dunha nobreza estranxeira, intransixente coa cultura e a lingua de Galicia, afianzando gravemente o proceso desgaleguizador nas clases altas da sociedade e impedindo a consolidación do galego como lingua literaria.

Aínda por riba, escritores casteláns (madrileños na súa maioría) foron os primeiros en facer mofa, descualificar e ridiculizar non só ós galegos, senón ó idioma galego e mesmo á propia Galicia.

Durante o longo período de tres séculos -XVI, XVII e XVIII, denominados SÉCULOS ESCUROS- A lingua galega estivo ausente dos usos escritos, con todo, seguía sendo a vía normal de comunicación de case a totalidade da poboación e pervivía a vea da lírica popular en forma de cantigas de berce, de cego, adiviñas, lendas, romances, contos, farsas etc. Polo que no século XVIII xorden as voces de denuncia dos chamados "ilustrados", que defendían o uso do galego e a súa normalización como lingua propia dos galegos e a Galicia como unha entidade propia e diferenciada con grandes proxectos de defensa do pobo galego, xurdindo así, no século XIX, o Rexurdimento, un movemento cultural que impulsou a recuperación e promoción do galego como lingua literaria e de identidade.

A recuperación do galego como lingua histórica, cultural e literaria confirmouse cara a finais do século XX, coa consecución do seu status de lingua oficial xunto ó do castelán e segue sendo unha lingua viva e falada non só en Galicia senón tamén en territorios limítrofes ca comunidade, como en zonas de Asturias, León, Zamora e uns poucos lugares en Estremadura. Ademáis, debido á emigración galega, sobre todo do século pasado, hai varios lugares fóra de España que contan con comunidades de falantes de galego: Arxentina, Venezuela, Uruguai, Cuba, México, Alemaña… E pódese estudar en diversas universidades ó redor do mundo.